«Սպուտնիկ Արմենիա». Ռուսաստանի փոխարտգործնախարար Միխայիլ Գալուզինը Հայաստանի դեսպան Գուրգեն Արսենյանի հետ զրույցում շեշտել է Հայաստանում Ռուսաստանի մասին կառուցողական լրատվական ֆոն պահպանելու անհրաժեշտությունը։ Այս մասին հայտնում է Ռուսաստանի ԱԳՆ-ն:
«Քննարկվել են երկկողմ և տարածաշրջանային օրակարգի մի շարք հարցեր, ինչպես նաև ռուս-հայկական առաջիկա շփումների ժամանակացույցը։ Զրույցի ընթացքում դիվանագիտական առաքելության ղեկավարին է ներկայացվել Հայաստանում Ռուսաստանի և երկկողմ կապերի շուրջ կառուցողական լրատվական ֆոն պահպանելու անհրաժեշտության մասին դիրքորոշումը»,-ասված է դիվանագետների հանդիպման մասին հաղորդագրության մեջ:
Նշվում է, որ ռուսական կողմը հաստատել է նաև երկու երկրների պրոֆիլային գերատեսչությունների խորհրդակցությունների հերթական փուլն անցկացնելու Մոսկվայի առաջարկը։
Հիշեցնենք` ԱԺ նախագահ Ալեն Սիմոնյանն ավելի վաղ հայտարարել էր, որ ժամանակն է լրջորեն քննարկել հայկական մուլտիպլեքսում ռուսական հեռուստաալիքների հեռարձակումը դադարեցնելու հարցը:
Կարդացեք նաև
Նա այդ մասին ասել էր լրագրողների հետ զրույցում՝ մեկնաբանելով «Տաշիր» ընկերությունների խմբի ղեկավար Սամվել Կարապետյանի շուրջ ստեղծված իրավիճակը և հայ-ռուսական հարաբերությունների վրա դրա ազդեցության մասին հայտարարությունները։
