-Մենք այս ամեն ինչին սպասում էինք, մի քիչ ուշացան էլ երեւի,- այսօր լրագրողների հետ զրույցում ասաց անազատության մեջ գտնվող գործարար Սամվել Կարապետյանի եղբորորդին՝ Նարեկ Կարապետյանը, անդրադառնալով այսօր վաղ առավոտյան իր առանձնատանն իրականացված քննչական գործողություններին:
Ըստ նրա, ամենայն հավանականությամբ, իրեն կձերբակալեն. «Բայց դեռ չգիտեմ՝ ինչի համար: Պարզ են իրենց բոլոր քայլերը, ընդունելի են, թող անեն, տեսնեն՝ իրենց դա հաջողությո՞ւն, թե՞ անհաջողություն է բերելու: Էսքան ման են եկել, նախկինում գործ չեն գտել, գտել են ինչ-որ նոր գործ: Էդպես էլ չհասկացա՝ ինչ գործ, երեւի հավաքի հետ կապված, որ հավաքին մասնակցել ենք երեւի դրա հետ կապված ինչ-որ հարց է: Ամեն դեպքում մենք սպասում էինք, մի բան պետք է լիներ, մի բան պետք է գտնեին: Մարդիկ աշխատել են, դա են գտել»:
Կարդացեք նաև
Լրագրողների հարցին՝ ինչ են գտել իրենց տնից, Նարեկ Կարապետյանը թվարկեց՝ երկու հատ գլխարկ, երեխաների նկարներով մեկ հատ կրիչ, 4 հատ այֆոնի գումար:
Անդրադառնալով ՀԷՑ-ում սկսված քննչական գործողություններին՝ Նարեկ Կարապետյանն ասաց՝ նույն ձեռագիրն է, ավելին չի կարող ասել. «Ամեն փոքր առիթ օգտագործվելու է մարդկանց դեմ խնդիրներ ստեղծելու համար: Բայց էդ խնդիրները կարծում եմ՝ բոլորին խանգարելու են»:
Նելլի ԳՐԻԳՈՐՅԱՆ
