Բարձրագույն դատական խորհուրդը, նախագահությամբ Արթուր Աթաբեկյանի, մասնակցությամբ անդամներ Աշոտ Հայրապետյանի, Կարեն Թումանյանի, Էդգար Հովհաննիսյանի, Երանուհի Թումանյանի, Արմեն Դանիելյանի, Մերի Համբարձումյանի, Արմենուհի Հարությունյանի, քննելով ՀՀ դատավորների ընդհանուր ժողովի էթիկայի եւ կարգապահական հարցերի հանձնաժողովի միջնորդությունը՝ Երեւան քաղաքի առաջին ատյանի ընդհանուր իրավասության քրեական դատարանի դատավոր Մասիս Մելքոնյանին կարգապահական պատասխանատվության ենթարկելու վերաբերյալ, որոշեց բավարարել եւ Երեւան քաղաքի առաջին ատյանի ընդհանուր իրավասության քրեական դատարանի դատավոր Մասիս Մելքոնյանի նկատողություն հայտարարեց:
Որոշումն ուժի մեջ է մտել հրապարակման պահից եւ վերջնական է:
Ըստ էթիկայի հանձնաժողովի՝ դատավոր Մելքոնյանը որպես մեղադրյալ հարցաքննվող անձին չի պարզաբանել նրա լռելու իրավունքի մասին, հայտնել է, որ եթե մեղադրյալը որոշել է ցուցմունք տալ, ապա պետք է պատասխանի բոլոր հարցերին, չի պարզաբանել սուտ ցուցմունք տալու դեպքում սահմանված քրեական պատասխանատվության մասին մինչեւ այն պահը, երբ տուժողի ներկայացուցիչը հորդորել է նախազգուշացնել:
Կարդացեք նաև
Աշոտ ՀԱԿՈԲՅԱՆ
