«Իշխանությունը որեւէ խնդիր չունի եկեղեցու հետ, իշխանությունը եկեղեցուն պաշտպանում է։ Եվ տիկին գլխավոր դատախազ, ես վստահ եմ, որ ոչ մի ձուկ չի պլստալու էս պրոցեսից։ Եվ ես որքանով նկատում եմ եւ միջնորդագրում էլ հայտնի է, ոչ միայն մի պատգամավոր է այստեղ մասնակից, այլ նաեւ այլ պատգամավորների ականջներ են երեւում կամ խռիկներ են երեւում»,- ԱԺ արտահերթ նիստում «Հայաստան» խմբակցության պատգամավոր Արթուր Սարգսյանի նկատմամբ քրեական հետապնդում հարուցելու թույլտվություն ստանալու միջնորդության քննարկման ժամանակ ասաց ՔՊ խմբակցության պատգամավոր Ռուստամ Բաքոյանը։
Նա անդրադարձավ «Հայաստան» խմբակցության պատգամավոր Արծվիկ Մինասյանի հայտարարությանը։ Մինասյանը լրագրողների հետ ճեպազրույցում ասել էր․ «ՔՊ-ն սրբություն չունեցող պիղծ մարդկանց մի խմբակ է, որոնց մեջ եթե կան նորմալ մարդիկ, էս պղծության պայմաններում իրենք էլ են այլանդակվում»։
«Հայաստան խմբակցության քարտուղարը, որը փորձում է ՔՊ խմբակցությանը մի շարք այլ երանգներով ներկայացնել, վստահ է, որ իր խմբակցությունն ուղղակի սրբություն չունեցող, պղծության խմբակ է»,- ասաց Բաքոյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
