«Ա1+». ԱՄՆ Պետդեպարտամենտի խոսնակ Թամմի Բրյուսը, անդրադառնալով ՀՀ–Ադրբեջան խաղաղության գործընթացի «լավ ավարտի» հնարավորության մասին ԱՄՆ պետքարտուղար Մարկո Ռուբիոյի դիտարկմանը, չի ժխտել ԱՄՆ ներգրավվածությունը միջնորդական ջանքերում։
«Դա լավ հարց է, և մենք որոշ մանրամասներ դեռ կհաղորդենք, բայց, իհարկե, բավականաչափ կարևոր էր, որ պետքարտուղարն անձամբ դա հիշատակեց։ Ուրախ ենք, որ մասնակից ենք եղել բազմաթիվ պայմանավորվածությունների, հրադադարի ռեժիմների ու փոփոխությունների հաստատմանը։ Պետքարտուղարը դա հատուկ ընդգծել է, և երբ ունենանք հավելյալ մանրամասներ՝ ձեզ կտեղեկացնենք», -ասել է նա։
