«Հայաստանի իշխանությունը պատերազմ է հայտարարել սեփական ժողովրդին ու ժամանակ առ ժամանակ պետք է դիրքավորումները փոխել։ Արտաքին քաղաքական դաշտում ինչ տեղի է ունենում կարիք ունի ներքին կառավարման»,-հուլիսի 9-ին լրագրողների հետ ճեպազրույցում ասաց Արցախի խորհրդարանի պատգամավոր Մետաքսե Հակոբյանը։
Նրա խոսքով՝ արտաքին քաղաքականության մեջ որոշում կա, որը Հայաստանի համար լավ չի լինի։
«Այն ցասումը, որ հաստատ տեղի է ունենալու ժողովրդի կողմից, այն անհամաձայնությունը որ պիտի տեղի ունենա ու տեղի է ունենում ժողովրդի կողմից, ինչ-որ կերպ պետք է կառավարել։ Ինչո՞ւ է ագրեսիվ կառավարվում, որովհետեւ այս իշխանությունները վախենում են բոլորից։ Վախենում են Արեւելքից, Արեւմուտքից, Ռուսաստանից, Ամերիկայից եւ այլն, որ երկրի անունն ուզում եք՝ տվեք։ Չեն վախենում սեփական ժողովրդից, իրենք ջարդում ու փշրում են ժողովրդին, որպեսզի ի վերջո իրականացնեն այն, ինչի համար 2018թ-ին զավթեցին իշխանությունը», ասաց Հակոբյանը։
Ինչ վերաբերում է Փաշինյան-Ալիեւ առաջիկա հանդիպմանը, ապա Մետաքսե Հակոբյանը կարծում է, Փաշինյանը հետ է գալու մի թղթով, որի վրա գրված է լինելու խաղաղություն։
Կարդացեք նաև
Այլ մանրամասները տեսանյութում։
Արմեն ԴԱՎԹՅԱՆ
