-Որեւէ խուզարկություն դեռ չկա, Հրանտ Մարգարյանը տանն է: Ես էլ էի մամուլից լսել, զանգեցին, դրա համար վնգալով եկա: Պարոն Մարգարյանն էլ է մամուլից տեղեկացել,- այսօր լրագրողներին ասաց ԱԺ «Հայաստան» խմբակցության պատգամավոր Գեղամ Մանուկյանը՝ անդրադառնալով ՀՅԴ Բյուրոյի նախկին ներկայացուցիչ Հրանտ Մարգարյանի (լուսանկարում) տանը խուզարկություններ անելու մասին մամուլում հայտնված տեղեկություններին:
Հիշեցնենք, որ այսօր վաղ առավոտից մի շարք ՀՅԴ-ականների տներում խուզարկություններ են իրականացվել, առգրավվել իրեր, ձերբակալվել 7 անձ, որոնցից մեկի նկատմամբ քրեական հետապնդում է հարուցվել:
Գեղամ Մանուկյանը մեկնաբանեց նաեւ քննչական կոմիտեի տարածած հաղորդագրությունը, ըստ որի՝ նախապատրաստվել է ահաբեկչություն. «Դե լավ, գլուխները պատով են տալիս, օրինական զենքեր են: Այսինքն՝ դաշնակցության «մայկեն», զինվորական հանդերձանքը դարձել են ահաբեկչության փորձ»:
Կարդացեք նաև
Արփինե ՍԻՄՈՆՅԱՆ
