ԶՊՄԿ-ի լեռնահատկացման ակտով սահմանված տարածքում հողային աշխատանքների ընթացքում բացառիկ դամբարանադաշտ է բացահայտվել:
Նախնական վարկածով թվագրվում է Ք.Ծ.Ա. 7-6-րդ դդ-ին: Հնագետները վստահեցնում են` այս տեսակ դամբարաններ Հայաստանում ոչ մի տեղ մինչ օրս չեն հայտնաբերվել:
Մայրաքաղաքից ժամանած մասնագետները ամիսներ է արդեն՝ նորահայտ յոթ դամբարաններում պեղումներ են իրականացնում: Գտածոները մարդկային ոսկորներ են, նիզակ ու թևնոց:
Դամբարաններից մեկը` որպես բացառիկ շինություն, տեղափոխվեց Կապանի երկրագիտական թանգարան, իսկ ոսկորներն ու գտածոները փորձագիտական ուսումնասիրության են հանձնվել: Սյունիք թվ-ի խումբը ևս ներկա է եղել պեղումներին:
