Ermenihaber.am – Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։
Հեռախոսազրույցի ընթացքում քննարկվել են Թուրքիա-Ադրբեջան երկկողմ հարաբերությունները, ինչպես նաև տարածաշրջանային և գլոբալ հարցեր։
Էրդողանն ընդգծել է, որ Թուրքիան շարունակելու է զարգացնել հարաբերություններն Ադրբեջանի հետ բոլոր ոլորտներում։ Անդրադառնալով Հարավային Կովկասին՝ Էրդողանը նշել է, որ Թուրքիան շարունակում է աջակցել Կովկասում կայուն խաղաղություն հաստատելու ջանքերին։
Էրդողանը նաև հայտնել է, որ «Ահաբեկչությունից զերծ Թուրքիա» նախաձեռնության շրջանակում (նկատի է ունեցել «Քուրդիստանի բանվորական կուսակցության» (ՔԲԿ-PKK) զինաթափումը) սկսված գործընթացը կնպաստի տարածաշրջանն «ահաբեկչական կազմակերպություններից»մաքրելու գործին, և այդ գործընթացի հաջող ավարտը կուժեղացնի տարածաշրջանային անվտանգությունը։
