Տեր Մինաս քահանա Մարտիրոսյանը վերհիշել է մի պատմություն, որը թերևս սոցիալիստական կարգերից ի վեր՝ չի մոռացվում Հայաստանում։
Խոսքը Սուրբ Պողոս-Պետրոս եկեղեցին քանդելու ու այդ տեղում «Մոսկվա» կինոթատրոնը կառուցելու մասին է, որն ավարտվել է Աստծո պատժով։
«Սովետական Միության վերելքի ժամանակ մի երևույթ տեղի ունեցավ․ «Սուրբ Պողոս-Պետրոս եկեղեցին», որն այսօրվա «Մոսկվա» կինթատրոնի տեղում էր կառուցված, կառավարության որոշմամբ պիտի քանդվեր։
Կարդացեք նաև
Առանձնացնում են մի բրիգադ, որը պետք է քանդման գործողություններն իրականացներ, և այդ բրիգադի աշխատակիցներից մեկը, որ բարեպաշտ և աստվածավախ մարդ էր, հրաժարվում է մասնակցել քանդման աշխատանքներին։
Բրիգադը կատարում է իր գործը, այդ մարդը չի մասնակցում։ Որոշ ժամանակ անց նրանց մի ուրիշ աշխատանքի են ուղարկում․ մի կաթսայատան վրա պիտի աշխատեին, այս անձը, որը հրաժարվել էր նախկինում այդ սրբապիղծ գործողությունը կատարելուն մասնակցելուց, այդ օրը հիվանդ էր և չի մասնակցում այդ աշխատանքներին։
Աշխատանքների ընթացքում կաթսայատունը պայթում է, և ամբողջ բրիգադը զոհվում է, այս մարդը փրկվում է։
Սա Աստծո նախախնամությունն է, սա Աստծո տնօրինությունն է։ Աստված ցույց է տալիս, որ ձեռք բարձրացնել Աստծո տաճարի նկատմամբ, դա նույնն է, թե հենց Աստծոն հայհոյել»։
Նունե ԱՐԵՎՇԱՏՅԱՆ
Գլխավոր լուսանկարում՝ Սուրբ Պողոս-Պետրոս եկեղեցին
