Մի քանի րոպե անդադար ծափահարություններ ավարտին։ Հայկական «84-ի ամառը» ֆիլմը առաջին անգամ ցուցադրվեց Հայաստանում Ոսկե Ծիրանի շրջանակներում։
ԱՄՆ-ում պրեմիերայից հետո՝ Kinodaran-ի առաջին օրիգինալ «84-ի ամառը» ֆիլմի մեծէկրանային ցուցադրությունը կայացավ Երևանում՝ «Ոսկե Ծիրան» միջազգային կինոփառատոնի շրջանակում։
«Երբ սերիալը ստեղծեցինք, մտածեցինք լավ գաղափար կլինի այն ֆիլմի վերածել։ Ուզում էինք, որ ավելի շատ մարդ դիտի ֆիլմը, քանի որ շատերը դժվարությամբ են դիտում սերիալներ։ Այսօր դահլիճի հուզմունքից հասկացանք, որ արձագանքը դրական է. մեզ համար կարեւոր էր հույզեր փոխանցելը: 80-ականներն աշխարհի լավագույն ժամանակաշրջանն է եղել, եւ այդ տարիներին անդրադառնալը շատ հետաքրքիր էր: Կերպարներն, ըստ իս, լիովին համապատասխանում են այդ տարիների ոգուն: Ֆիլմի գլխավոր ասելիքն ընկերության մասին է։ Իսկ սերը ճանապարհ էր, որով հերոսները վերգտան իրենց ընկերությունը» – ասաց Kinodaran-ի գլխավոր պրոդյուսերը։
Դահլիճը լեփլեցուն էր։ Ֆիլմի ավարտին անընդմեջ ծափահարություններով հանդիսատեսը արտահայտեց իր հուզմունքն ու երախտագիտությունը ստեղծագործական թիմին։
Կարդացեք նաև
«84-ի ամառը» ֆիլմի ցուցադրությունը «Ոսկե Ծիրան» կինոփառատոնում կարևոր փուլ է Kinodaran-ի համար՝ սկսելու նաև մեծ էկրանային արտադրություններ՝ զուգահեռ սթրիմինգային բովանդակությանը։
