«Եթե պրոցեսը քաղաքական չի, ինչո՞ւ է նշանակվում կառավարիչ իշխող քաղաքական թիմի ամենակարկառուն ներկայացուցիչներից մեկը՝ չունենալով որեւէ մասնագիտական փորձ, մեկ օր անգամ չաշխատելով այս ընկերությունում»։
Նման հարց է հնչեցնում «Հայաստանի էլեկտրական ցանցեր» ՓԲԸ տնօրենի պաշտոնակատար Դավիթ Ղազինյանը՝ Հանրային ծառայությունները կարգավորող հանձնաժողովի կողմից ՔՊ-ական Ռոմանոս Պետրոսյանին ՀԷՑ-ի ժամանակավոր կառավարիչ նշանակվելու կապակցությամբ։
Ղազինյանն ակնարկեց, որ իշխանությանն անհրաժեշտ են ՀԷՑ-ի 6.800 աշխատակիցները՝ «եկող տարվա սպասվող իրադարձության հետ կապված»։
Լրագրողի ճշտող հարցին՝ 2026 թվականի ընտրության մասի՞ն է խոսքը, տնօրենի պաշտոնակատարը դրական պատասխանեց։
Կարդացեք նաև
Ասուլիսի սկզբում Դավիթ Ղազինյանը վերահաստատեց ՀԷՑ-ի ազգայնացման քաղաքական բնույթը՝ շեշտելով, որ ազգայնացման հնարավորությունը երբեւէ չի քննարկվել ընկերության ղեկավարության հետ, իսկ այդ գործընթացը զուգորդվել է ՀԷՑ-ի սեփականատեր Սամվել Կարապետյանի կալանավորման հետ։
Արսեն ԱՅՎԱԶՅԱՆ
