«Թույլ տվեք ինտրիգը պահել»։ Այսպես պատասխանեց «Հայաստանի էլեկտրական ցանցեր» ՓԲԸ տնօրենի պաշտոնակատարը՝ լրագրողի հարցին, թե որքա՞ն աշխատավարձ է ստանալու Հանրային ծառայությունները կարագվորող հանձնաժողովի կողմից ՀԷՑ ժամանակավոր կառավարիչ նշանակված ՔՊ-ական Ռոմանոս Պետրոսյանը։
«Կառավարիչը կգա․․․թիվը կտեսնի, իրենից էլ կհարցնեք», – ասաց Դավիթ Ղազինյանը։
ՀԾԿՀ որոշմամբ՝ Ռոմանոս Պետրոսյանը կստանա այնքան աշխատավարձ, որքան սահմանված է ՀԷՑ տնօրենի համար։
Ընթերցելով որոշման համապատասխան դրույթը՝ Ղազինյանը հռետորական հարց հնչեցրեց․ «Սա այն դեպքում, որ ասում են՝ ձեր աշխատավարձները բարձր են։ Բա այդ դեպքում, ինչո՞ւ եք նույնը սահմանում»։
Կարդացեք նաև
Ղազինյանը հստակեցրեց, որ տեղյակ էլ չէ, թե որքան աշխատավարձ է սահմանված տնօրենի համար, քանի որ որպես պաշտոնակատար չի ստանում տնօրենի աշխատավարձը։
Հիշեցնենք․ ՀԷՑ-ի սեփականատեր Սամվել Կարապետյանի կալանավորումից հետո Նիկոլ Փաշինյանը տեղեկացրեց Ազգային Ժողովում ՀԷՑ-ը պետականացնելու վերաբերյալ նախագիծ ընդունելու իշխանության մտադրության մասին։ ՔՊ-ական մեծամասնությունն ընդունեց նախագիծը, նախագահ Խաչատուրյանն էլ օրենքը ստորագրեց հուլիսի 8-ին։
Արսեն ԱՅՎԱԶՅԱՆ
