«Իշխանությունը փորձում է վախի մթնոլորտ ձեւավորել, եւ ազատ խոսքի, եւ քաղաքական խոսքի դեմ պայքարել կալանքների միջոցով: Իրենք շատ լավ հասկանում են, որ քաղաքական դաշտում իրավիճակը լրջորեն փոխվել է, հանրային տրամադրությունները փոխվել են: Դրա համար փորձում են, իրենց կարծիքով, կանխարգելիչ գործողություններ իրականացնել»,-ասաց դատարանի մոտ սպասող «Մայր Հայաստան» շարժման առաջնորդ Անդրանիկ Թեւանյանը:
Հիշեցնենք, որ Ավան Նոր Նորք ընդհանուր իրավասություն դատարանում գիշերը քննվում էր քաղաքագետ ԱԺ նախկին պատգամավոր Ռուբեն Հակոբյանի նկատմամբ խափանման միջոցի կիրառման հարցը: Նա կալանավորվեց երկու ամսով:
«ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում իրականացվող քրեական վարույթով փաստական տվյալներ են ձեռք բերվել այն մասին, որ Ռ.Հ.-ն 2025 թվականի հուլիսի 1-ին զանգվածային լրատվության միջոցով՝ հարցազրույց տալու ընթացքում հնչեցրել է իշխանությունը զավթելուն ուղղված հրապարակային կոչ։
2025 թվականի հուլիսի 18-ին քննիչի միջնորդության հիման վրա մինչդատական քրեական վարույթի օրինականության նկատմամբ հսկողություն իրականացնող դատախազի որոշմամբ Ռ.Հ.-ի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 422-րդ հոդվածի 2-րդ մասով։
Կարդացեք նաև
Նույն օրը Ռ.Հ.-ն դատարան ներկայացվելու համար ձերբակալվել է»,- հայտնել էին Քննչական կոմիտեից։
Մանրամասն՝ տեսանյութում
Գոհար ՀԱԿՈԲՅԱՆ
