Մեդիա կենտրոնում կայացած ասուլիսում անդրադառնալով Նիկոլ Փաշինյանի եւ նրա կնոջ՝ սոցցանցերում արած վիրավորական արտահայտություններին՝ Խոսքի ազատության պաշտպանության կոմիտեի նախագահ Աշոտ Մելիքյանն ասաց, որ երկրի առաջին դեմքը եւ նրա կինը պետք է ավելի զուսպ եւ ինքնատիրապետող լինեն, օրինակ ծառայեն հասարակության համար:
«Այն բառապաշարը, որով Փաշինյանն ու իր կինն արձագանքում են իրենց հասցեին արված վիրավորանքներին, ինձ համար սկզբունքորեն անընդունելի եւ դատապարտելի են… Երբ ես իրենց մեկնաբանությունները կարդում եմ, ամոթ եմ զգում իրենց փոխարեն:
Այդ առիթով իմ մտահոգությունը ես եւ ֆեյսբուքում եմ գրել, եւ դրանից հետո արձագանք եմ ստացել…Ցավոք, վարչապետը չի պատրաստվում հայհոյախոսությունները լռության արժանացնել, հավաստիացրել է, որ շարունակելու է նույն կերպ: Սա շատ մտահոգիչ է, որովհետեւ ես մնում եմ նույն համոզման, որ հասարակությունը հենց քաղաքական վերնախավից է օրինակ վերցնում, եւ դա ուղիղ ճանապարհ է էլ ավելի այլանդակելու ու հասարակությանը ռեգրեսի բերելու՝ մտածելակերպի ու արտահայտվելու կուլտուրայի, մարդկանց հետ հարաբերվելու առումով»,- ասուլիսում ասաց Աշոտ Մելիքյանը։
Մանրամասն՝ տեսանյութում.
Կարդացեք նաև
Գոհար ՀԱԿՈԲՅԱՆ
Լուսանկարը՝ Մեդիա կենտրոնի
