Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովայի կարծիքով՝ ԱՄՆ-ն անկեղծ չէ, երբ ասում է, թե «եզակի» լուծում ունի տարածաշրջանում տրանսպորտային շրջափակումը վերացնելու համար:
Արտաքին քաղաքականության ընթացիկ հարցերի վերաբերյալ ճեպազրույցում Զախարովան ասել է. «ԱՄՆ-ն չի կարող առաջարկել որևէ նոր բան, ինչն արդեն արվել է Ռուսաստանի, Հայաստանի և Ադրբեջանի փոխվարչապետների համանախագահությամբ եռակողմ մասնագիտացված աշխատանքային խմբի շրջանակում»։
Նա հավելել է, որ արևմտյան երկրների ապակառուցողական ազդեցության պատճառով խմբի աշխատանքը կանգ է առել։
