Հուլիսի 25-ին Լեռնային Ղարաբաղի փախստականների իրավապաշտպան միության փոխնախագահներ Գոռ Պողոսյանը և Սևակ Հակոբյանը, ինչպես նաև կազմակերպության անդամները ՀՀ Լոռու մարզում հանդիպում ունեցան մարզում ժամանակավորապես ապաստանած բռնի տեղահանվածների հետ։ Հանդիպումը տեղի ունեցավ Վանաձորի Էդուարդ Կզարթմյանի անվան երաժշտական դպրոց կրթադաստիարակչական ուսումնական հաստատությունում։
Հանդիպման նպատակն էր ԼՂ փախստականների շրջանում նրանց մտահոգությունների և իրավունքների վերաբերյալ մասնակցային քննարկումների միջոցով առաջնային խնդիրների վերհանումը, քարտեզագրումն ու դրանց լուծման հստակ ուղիների որոնումը։
Քննարկման ընթացքում տեղահանված անձինք բարձրաձայնեցին իրենց հուզող մի շարք խնդիրներ՝ սոցիալական, հոգեբանական և իրավական ոլորտներից։
Շեշտվեց փոխօգնության, փոխընկալման և շարունակական խորհրդակցությունների կարևորությունը՝ խնդիրների հասցեագրման և լուծման ուղիների ձևակերպման նպատակով։
Կարդացեք նաև
Հանդիպման մասնակիցները բարձր գնահատեցին «ԼՂ փախստականների իրավապաշտպան միության» հետևողական գործունեությունը՝ ուղղված տեղահանվածների խնդիրների վերհանմանն ու բարձրաձայնմանը, դրանց կարևորության ընդգծմանը, ինչպես նաև միջազգային կառույցների հետ հետևողական համագործակցությունը՝ տեղահանվածների հիմնախնդիրները միջազգային հարթակներում ներկայացնելու ուղղությամբ։
ԼՂ փախստականների իրավապաշտպան միություն
