«Կուզեի խոսել խնդիրներից, որոնք առաջանում են տարբեր այգիներում, որոնք քաղաքապետարանի տիրապետման տակ չեն: Օրինակ, կոնսերվատորիայի այգին, որը վարձակալության է տրված երկարաժամկետ, եւ ունենք դատական գործընթաց: Փաստացի դատական պրոցեսների ձգձգումները բերում են մի իրավիճակի, որ այգիները սկսում են չորանալ: Ես, օրինակ, վստահ չեմ՝ մենք հետագայում այդ վարձակալից համապատասխան կոմպենսացիան կկարողանա՞նք ստանալ նույն տրամաբանությամբ, երբ ամբողջ այգին վերանա:
Պարոն Բեգոյան, անկախ նրանից՝ վարձակալած է, թե վարձակալած չի այգին, գնացեք ջրեք, որովհետեւ ուղղակի հետո մե՛նք ենք պատասխան տալու»,-Երեւանի քաղաքապետարանի գործակարգավարական խորհրդակցության ժամանակ ասաց Երեւանի քաղաքապետ Տիգրան Ավինյանը:
Նա Դավթաշենի այգուն էլ անդրադարձավ, հետաքրքրվեց, թե ինչու կապալառուն չի կարողանում երկար ժամանակ հանձնել այն: Տիգրան Ավինյանին տեղեկացրին, որ նախագիծն արդեն ավարտված է եւ հանձնման փուլում է: Քաղաքապետը դժգոհեց, որ այգին կիսաչոր վիճակում է:
Մանրամասն՝ տեսանյութում
Կարդացեք նաև
Երեւանի քաղաքապետարանի գործակարգավարական խորհրդակցությունն ամբողջությամբ.
Գոհար ՀԱԿՈԲՅԱՆ
