Կառավարությունն այսօրվա նիստում հավանություն տվեց «Եվրասիական տնտեսական միության եւ երրորդ կողմի մաքսային տարանցման միասնական համակարգի մասին» համաձայնագիրը հաստատելու մասին» համաձայնագրին։
ՊԵԿ նախագահ Էդուարդ Հակոբյանն ասաց, որ համաձայնագիրը նախատեսում է տարանցման միասնական համակարգ ԵԱՏՄ ու համակարգի կողմ հանդիսացող երրորդ երկրների միջեւ։ «Մասնավորապես, հիմա արդեն կա նման համակարգ ԵԱՏՄ-ում, որը հնարավորություն է ընձեռում, որպեսզի երրորդ երկրները այդ համակարգին միանան։ Եվ համաձայնագիրը կիրառվելու է, երբ ապրանքները տարանցիկ փոխադրվեն ԵԱՏՄ եւ համակարգի կողմ հանդիսացող երկրների տարածքով։ Ներկայումս տարանցիկ փոխադրման ժամանակ յուրաքանչյուր կողմի տարածքում ներկայացվում է տարանցման մաքսային հայտարարագիր՝ սահմանված ձեւաչափով։ Այս միասնական տարանցման համակարգը թույլ է տալու մաքսային տարանցման հայտարարագիրը ներկայացնել մեկ անգամ։ Այսինքն՝ արտաքին առեւտրով զբաղվող սուբյեկտները մեկ անգամ են հանդիպելու այդ գործընթացին, եւ դա ճանաչվելու է ԵԱՏՄ ու համապատասխան երկրների միջեւ»,- ասաց ՊԵԿ նախագահը։
Նա նշեց, որ սրանով մեծանում է միության տարանցման ներուժը եւ միության անդամների, այդ թվում՝ ՀՀ տարանցման ներուժը։ Բայց ՀՀ դեպքում տարանցման ներուժը կարող է մեծանալ, եթե հարեւան երկրները, տվյալ դեպքում, Իրանը միանա այս համակարգին։ Դա հնարավորություն կտա մաքսային ընթացակարգերը միասնականացնել։
Փոխվարչապետ Մհեր Գրիգորյանը հարցրեց․ «Հիմա մենք ի՞նչ խնդիր ունենք կամ ո՞նց պիտի բարձրացնենք հարցը, որ եթե ԵԱՏՄ երկրները ԵԱՏՄ-ի հետ սահման չունեն, այս նավիգացիոն կապարակնիքներն աշխատեն այնուամենայնիվ»։
Կարդացեք նաև
ՊԵԿ նախագահը պատասխանեց․ «Ճիշտն ասած, դա խնդիր է մեր դեպքում, պարոն Գրիգորյան, որովհետեւ քանի որ մենք միասնական սահման չունենք ԵԱՏՄ երկրների հետ, կարիք կա համաձայնություն ստանալու այն երկրներից, որոնք ԵԱՏՄ անդամ չեն, տվյալ դեպքում, օրինակ, Վրաստանից։ Հիմա էլ ինտենսիվ բանակցություններ են գնում Վրաստանի գործընկերների հետ, որպեսզի հասկանանք, թե ինչպես է դա տեղի ունենում։ Քանի որ մենք միասնական սահման չունենք ԵԱՏՄ հետ, մեզ համար խնդիր է համապատասխան երկրներից»։
Մանրամասները՝ տեսանյութում
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
