«Գործնականում չենք կարող նկարագրել բոլոր այն տեսական իրադրությունները, որոնք կարող են պրակտիկայում լինել, եթե պատասխանեմ՝ ինչ կլինի արտակարգ դրության ժամանակ, հետո կարող է հնչել հարց՝ իսկ անտառային հրդեհի՞, հորդառատ անձրևի՞ և այլն։ Սրա համար եմ գրոտեսկի վերածում։ Դրա համար ենք ասում, որ համառոտ բան պետք է նկարագրել, որից բխեն բոլոր իրավիճակների պատասխանները։ Ունենք այս համառոտ արձանագրումները՝ ինքնիշխանություն, տարածքային ամբողջականություն, իրավազորություն, սահմանների անխախտելիություն, փոխադարձություն, ուժի կիրառման անթույլատրելիություն և այլն»,- Սպիտակ տան հանդիպումից հետո մամուլի ասուլիսի ընթացքում հնչած հարցին՝ եթե որևէ իրավիճակում անհրաժեշտություն առաջանա ՀՀ ողջ տարածքում արտակարգ դրություն հայտարարել, դա տարածվելո՞ւ է կապուղիների վրա, այդ սահմանափակումներն արդյոք օտարերկրյա քաղաքացիների տեղաշարժի վրա տարածվելո՞ւ են, կարո՞ղ է իրականացվել անձը հաստատող փաստաթղթի ստուգում, անձնական առարկաների զննում ՀՀ-ի օրենսդրությունից բխող, հարցը գրոտեսկի վերածելով` այսպես պատասխանեց ՀՀ վարչապետ Նիկոլ Փաշինյանը։
Նա նշեց՝ պրակտիկայում՝ չգիտենք՝ ինչպիսին կլինեն իրավիճակները․ «Մենք գիտենք՝ ինչ էլ տեղի ունենա, գիտենք՝ ինչ շրջանակում պետք է տեղի ունենա։ Մենք այս պայմաններում ոչ թե պետք է ամեն ինչ անենք, որ հնարավորին քիչ մարդ, քիչ բեռ անցնի, կամ եթե հնարավոր է՝ չանցնի, այլ ընդհակառակը, այս նախագծի իմաստն այն է, որ մեր երկրներում և մեր երկրով անցնեն հնարավորինս շատ մարդիկ, բեռներ, հնարավորինս շատ տրանսպորտային միջոցներ, քանի որ դրանք հնարավորինս շատ եկամուտներ են պետբյուջեի համար, հնարավորինս շատ աշխատատեղեր են, ավելի շատ զարգացում է։ Դա ավելի մեծ ներդրումային հետաքրքրություն և միջավայր է։ Անվտանգային, խաղաղության առումով այս նախագիծն անում ենք, որ ավելի շատ ՀՀ քաղաքացիներ առանց մտավախության օգտվեն Ադրբեջանի տրանսպորտային ենթակառուցվածքներից և ավելի շատ Ադրբեջանի քաղաքացիներ առանց մտավախությունների օգտվեն ՀՀ տրանսպորտային ենթակառուցվածքներից։
Շատ խոսում են անվտանգության, կայունության, խաղաղության, խաղաղության երաշխիքների մասին։ Եթե տասնյակ հազարավոր օրինակ՝ ՀՀ-ի և Ադրբեջանի քաղաքացիներ օգտվեն միմյանց տրանսպորտային ենթակառուցվածքներից, սկսվի երկկողմ առևտուր, դրանում ներգրավված լինեն տասնյակ հազարավոր քաղաքացիների, դա կլինի անվտանգության, խաղաղության և կայունության ամենահուսալի երաշխիքներից մեկը։ Կարևոր գործոն կլինի կայունություն ապահովելու համար»։
Կարդացեք նաև
Տաթև ՀԱՐՈՒԹՅՈՒՆՅԱՆ
