Վարչապետի մամուլի քարտուղար Նազելի Բաղդասարյանի ֆեյսբուքյան գրառումը
Համացանցում անհեթեթության հասնող ենթադրություններ են շրջանառվում, թե իբր վարչապետ Փաշինյանը Վաշինգտոնում դեմ է արտահայտվել Ադրբեջանում անազատության մեջ գտնվող մեր հայրենակիցների կամ նրանց մի մասի վերադարձին։
Վարչապետը բազմիցս նշել է, որ ՀՀ ներկայացուցիչները տարբեր ձեւաչափերի իրենց հանդիպումներում շարունակաբար բարձրացնում են այդ հարցը եւ փնտրում լուծումներ։
ԱՄՆ նախագահ Դոնալդ Թրամփի հետ հանդիպմանը հարցը քննարկման առարկա է դարձել հենց վարչապետ Փաշինյանի նախաձեռնությամբ։ Ընդ որում, վարչապետը հարցի մասին խոսել է ամբողջության մեջ եւ ոչ թե մասնակի։
Կարդացեք նաև
Վավերագրող, ռեժիսոր Հովհաննես Իշխանյանի մեկնաբանությունները վարչապետի խոսնակի ֆեյսբուքյան գրառման տակ
Լրագրողը հարց է տալիս Թրամփին պատանդների մասին, ու այդ դրվագի վիդեոն Քաղաքացիական պայմանագիրը հրապարակում է ձայնն անջատած, որ հարցը չլսվի։
Փաշինյանը ԵԱՀԿ Մինսկի խմբի լուծարման մասին հայտարարություն է ստորագրել ու Արցախը ճանաչել Ադրբեջանի կազմում, ինչը նշանակում է, ընդունել է, որ Հայաստանը ագրեսոր է և Արցախի ինքնորոշման համար կռվածները ահաբեկիչ, այսինքն, համաձայն է այն դատական ներկայացման հետ, որն իրականացնում Ալիևը հայ պատանդների դեմ։
Փաշինյանը հայ պատանդներից Ռուբեն Վարդանյանի մասին բամբասանքներ է տարածում՝ թե դեռ պետք է իմանանք, ոնց գնաց Արցախ՝ թքած ունենալով, որ նրանց խոշտանգում են այնտեղ ու զրկում են Կարմիր խաչի հետ անգամ հարաբերվելուց։
Թուրքիայի 100-ամյա երազանքը կատարում են՝ Հայաստանի հաշվին միացնելով թուրքական աշխարհը ու ոչ մի խոսք պատանդների մասին ստորագրված հայտարարության մեջ։
Հետո երևում է վիդեոն, որտեղ Փաշինյանը վատանում է, երբ Թրամփը խոսում է գերիների մասին ու խորհուրդ տալիս հարցը չներառել։
Նազելի Բաղդասարյանը Արցախը հանձնած սուտասան դավաճանի խոսնակ է, և վայ նրան, ով սրանց ասածներին կհավատա:
ՄԱԿ-ի ամբիոնն ու Հանրային հեռուստատեսությունն եք գործածում ամեն օր հայ պատանդների ազատության համար ժողովրդին մոբիլիզացնելու համար։
Կաթողիկոսը հարցը բարձրացնում է, Արցախը հանձնած դուխով հարձակվում են վրան։
Նաև հիշենք, որ Նիկոլ Փաշինյանը հարձակվել է կաթողիկոսի վրա, քանի որ Գարեգին Բ-ն Շվեյցարիայի Բեռն քաղաքում եկեղեցիների համաժողովի ժամանակ բարձրացրել է
– Հայ պատանդների
– Արցախցիների վերադարձի
– Հայկական արվեստի գործերի ոչնչացման
– Հայերի էթնիկ զտման հարցերը
Որոնք բոլորը ոչ միայն բացակայել են, այլև խլացվել են Վաշինգտոնում:
Ուշադրություն դարձրեք լեզվին։ Բաքվում պահվող պատանդներին, գերիներին կոչում են անազատության մեջ գտնվող։
Անազատության մեջ են գտնվում նաև հանցագործները, և Ադրբեջանը նրանց հենց դիտարկում է հանցագործ։ Ու սրանք ոչ միայն չեն պայքարում են պատանդների ազատության համար, այլև իրենց անունով չեն կոչում իրողությունները։
