«Հայաքվե». Ադրբեջանը բազմիցս հայտարարել է, թե իբր Սյունիքն այսպես կոչված «պատմական Ադրբեջանի» մաս է։ Եթե դու պայմանագրով ճանաչում ես Ադրբեջանի տարածքային ամբողջականությունը՝ առանց հստակորեն ամրագրելու Հայաստանի սահմանները, դու ընդունում ես նրա կողմից դրված ցանկացած պահանջի իրավական լեգիտիմությունը։ Այսինքն՝ դու ճանաչում ես, որ քո հողերի նկատմամբ նրանք իրավունքի հիմքեր ունեն, իսկ դա ուղղակի դավաճանություն է։
Եթե Հայաստանի իշխանությունը ստորագրում է մի պայմանագիր, որը ճանաչում է Ադրբեջանի տարածքային ամբողջականությունը՝ առանց ամրագրելու 1991 թ. սահմանների հիման վրա Հայաստանի Հանրապետության միջազգայնորեն ճանաչված տարածքը, դա նշանակում է Սյունիքի հանդեպ թշնամական պահանջների օրինականացվող հեռանկար։
Ու թեև թվում է՝ վաշինգտոնյան փաստաթուղթը չի ասում, որ Սյունիքը պետք է տրվի, բայց երբ ճանաչում ես Ադրբեջանի ամբողջականությունը առանց նախապայմանների՝ դու այդ պահանջն օրինականացնում ես հենց սկզբնապես։
