ՀՀ հակակոռուպցիոն դատարանում այսօր պետք է սկսվեր ԱԺ «Հայաստան» խմբակցության պատգամավորներ եւ պաշտպանության ու բնապահպանության նախկին նախարարներ Սեյրան Օհանյանի եւ Արծվիկ Մինասյանի, ինչպես նաեւ՝ Աշոտ Գրիգորյանի, Լևոն Բարսեղյանի, Բենիամին Ղալեչյանի եւ Էդգար Գրիգորյանի գործով առաջին դատական նիստը։ Ինչպես ԱԺ դահլիճում, այնպես էլ նիստից առաջ, լրագրողների հետ զրույցում, Արծվիկ Մինասյանը հայտարարեց՝ որեւէ շինթույլտվություն ինքը չի տվել, քանի որ դա իր գործառույթների մեջ չի մտնում։
Նիստը հետաձգվեց՝ գործով որոշ պաշտպաններ եւ մեղադրյալներ ծանուցված չէին։ Դատավորը հայտարարեց, որ ապացույցներ՝ նրանց պատշաճ ծանուցված լինելու մասին, դատարանը չունի։
Հիշեցնենք, ԱԺ-ն բավարարել էր Սեյրան Օհանյանի եւ Արծվիկ Մինասյանի նկատմամբ քրեական վարույթ հարուցելու՝ գլխավոր դատախազի միջնորդությունը։ Սեյրան Օհանյանի եւ Արծվիկ Մինասյանի նկատմամբ կիրառվել էր խափանման միջոց՝ ՀՀ-ից բացակայելու արգելքը ։ Գործի նախաքննությունն օրերս ավարտվել էր եւ ուղարկվել դատարան։ Սեյրան Օհանյանը մեղադրվում է Սեւանի ափին ապօրինի դղյակ կառուցելու մեջ, իսկ Արծվիկ Մինասյանը՝ ապօրինի շինարարության թույլտվություն տալու մեջ ։ Երկուսն էլ չեն ընդունում մեղադրանքը, կատարվողը համարում են քաղաքական հետապնդում։
Ամբողջական տեսանյութը՝ այստեղ
Կարդացեք նաև
Նելլի ԳՐԻԳՈՐՅԱՆ
Լուսանկարը՝ արխիվային
