Միացյալ Նահանգների շախմատային մայրաքաղաք Սենթ Լուիսում մեկնարկել է արագ շախմատի Grand Chess Tour 2025 մրցաշարը, որին մասնակցում են տասը ուժեղագույն գրոսմայստերներ:
Առաջին օրը մրցակիցներից յուրաքանչյուրը խաղացել է երեք պարտիա: Հայկական շախմատի երբեմնի առաջատար Լեւոն Արոնյանը, որը այժմ հանդես է գալիս ԱՄՆ ֆեդերացիայի դրոշի ներքո, բոլոր երեք պարտիաներում հաղթել է մրցակիցներին՝ հնդիկ Գուկեշին, ֆրանսիացի Մաքսիմ Վաշյե-Լագրավին, Ուզբեկստանի ներկայացուցիչ Նոդիրբեկ Աբդուսատտորովին եւ հարյուր տոկոսանոց արդյունքով միանձնյա գլխավորում է մրցաշարային աղյուսակը:
Այսօր շախմատիստները խաղալու են եւս երեք պարտիա: Արոնյանի մրցակիցները լինելու են Լենյեր Դոմինգես Պերեսը, Ֆաբիանո Կարուանան եւ Սեմ Շեքլանդը (բոլորն էլ՝ ԱՄՆ):
Աշոտ ՀԱԿՈԲՅԱՆ
