ԱՄՆ նախագահ Դոնալդ Թրամփն այցելել է Քենեդիի կենտրոն, որտեղ հանդես է եկել մի շարք մեկնաբանություններով։
Նա մասնավորապես անդրադարձել է ԱՄՆ–ում եւ մայրաքաղաք Վաշինգտոնում ենթակառուցվածքային որոշ խնդիրների և նշել․ «Շատ ղեկավարներ են գալիս, վերջերս Ադրբեջանի եւ Հայաստանի ղեկավարները եկան: Ես հարցրի` ինչ ես կարծում, նա (Հայաստանի վարչապետը) ասաց․ «Հայաստանում ճանապարհներն ավելի լավն են, քան Վաշինգտոնում»։ Դա ամոթալի է»։
Ռուսաստանը լուրջ հետևանքների կբախվի, եթե Ալյասկայում կայանալիք ռուս-ամերիկյան գագաթնաժողովի ընթացքում չհաջողվի որևէ պայմանավորվածություն ձեռք բերել Ուկրաինայում հակամարտության խաղաղ կարգավորման վերաբերյալ, այսօր հայտարարել է ԱՄՆ նախագահ Դոնալդ Թրամփը։
«Եթե ես չստանամ այն պատասխանները, որոնք ուզում եմ, [Պուտինի հետ] երկրորդ հանդիպում չի լինի։ Այո, կլինեն լուրջ հետևանքներ», – լրագրողների հետ զրույցում ասել է Թրամփն՝ առանց այլ մանրամասների։
