«Այս երկու ամսվա ընթացքում ճնշումները ոչ ձեզ համար են զարմանալի, ոչ՝ մեզ։ Պայքարելու ենք մինչև վերջ, բանտ նստելուց չենք վախենում, ինչպես Նարեկ Կարապետյանն է ասում՝ էն օրերն ենք ապրում, որ այս պայմաններում բանտ նստելը պատվաբեր է»,-լրագրողների հարցին՝ ՊԵԿ նախկին նախագահ Վարդան Հարությունյանը ձերբակալվեց, սա նշանակում է, որ ով պաշտպանի Սամվել Կարապետյանին, նրա նկատմամբ ճնշումնե՞ր են կիրառվելու, «Տաշիր» խմբի ընկերությունների սեփականատեր, ռուսաստանաբնակ հայ գործարար, բարերար Սամվել Կարապետյանի կալանքը երկարաձգելու միջնորդության քննության ընթացքում ՀՀ հակակոռուպցիոն դատարանի բակում լրագրողների հետ զրույցում այսպես պատասխանեց Սամվել Կարապետյանի պաշտպանության խորհրդի անդամ Ալեքսան Ալեքսանյանը։
Փաստաբանը վստահեցրեց՝ հասարակությունը գիտի՝ առհասարակ Կարապետյանների ընտանիքի ձևը որն է։
Լրագրողները հիշեցրին՝ Սամվել Կարապետյանը գործարար Սամվել Ալեքսանյանի հետ քավոր-սանիկական կապեր ունի, սակայն Սամվել Ալեքսանյանը կարծես իր աջակցությունը չի հայտնել Սամվել Կարապետյանին և հետաքրքրվեցին՝ նրանից լուր կա՞, այստեղ նրան ոչ մեկ չի տեսել, գոնե զանգե՞լ է, իր աջակցությունը հայտնե՞լ է, Ալեքսան Ալեքսանյանը պատասխանեց․ «Տեղյակ չեմ, ես էլ չեմ տեսել նրան։ Չնայած մեր ազգանունները նույնն են, բայց ես երբևէ զանգ չեն ունեցել նրա հետ»։
Կարդացեք նաև
Տաթև ՀԱՐՈՒԹՅՈՒՆՅԱՆ
