«Այս ռեժիմի վախերը հասել են այնտեղ, որ մարդուն կարող են ազատությունից զրկել ընդամենը մեր ձևով եկեղեցու կողքին կանգնելու համար», – «Տաշիր» խմբի ընկերությունների սեփականատեր, ռուսաստանաբնակ հայ գործարար, բարերար Սամվել Կարապետյանի կալանքը երկարաձգելու միջնորդության քննության ընթացքում ՀՀ հակակոռուպցիոն դատարանի բակում լրագրողների հետ զրույցում այսպիսի կարծիք հայտնեց «Ժողովրդավարություն եւ անվտանգություն» ՀԿ նախագահ Նաիրա Զոհրաբյանը։
Ըստ նրա՝ եթե նախկին որևէ իշխանության ժամանակ այսպիսի քաղաքական ֆարս լիներ, ՀՀ-ում հավատարմագրված ԵՄ դեսպաններն իրենց «կճղեին»․ «Մի հատ Նիկոլի կամ որևէ մեկի սանվածքը ծռվում էր, Սվիտալսկին երեք վայրկյան հետո հայտնվում էր իմ ընդունարանում ու ասում՝ եթե երեք րոպե հետո սանրվածքը չդզվի, ՀՀ-ին ԵԽ-ից դուրս կշպրտեն։ Տեսնում ենք՝ հիմա եվրոչինովնիկների կատարյալ անտարբերությունը»։
Տաթև ՀԱՐՈՒԹՅՈՒՆՅԱՆ
