Քիչ առաջ հայտնի դարձավ, որ ՀՀ հակակոռուպցիոն դատարանը` նախագահությամբ Տիգրան Դավթյանի, բավարարեց քննիչի միջնորդությունը եւ Սամվել Կարապետյանի կալանավորումը երկարաձգեց եւս երկու ամսով:
Հիշեցնենք, որ ՀՀ հակակոռուպցիոն դատարանում օգոստոսի 14-ին ժամը 17:30-ին սկսվել էր «Տաշիր» խմբի ընկերությունների սեփականատեր, ռուսաստանաբնակ հայ գործարար, բարերար Սամվել Կարապետյանի կալանքը երկարաձգելու միջնորդության քննությունը։
Դատարանը ընդմիջել էր քննությունը, սակայն դատարանի բակում հավաքված մարդկանց բազմությունը, թեեւ ուշ գիշերին, ժամեր շարունակ չէր հեռանում՝ սպասելով վճռին: Պարբերաբար «Ազատություն», «Սամվել, Սամվել» գոչելով՝ մարդիկ շարունակում էին սպասել:
Կարդացեք նաև
Փաստաբան Լիաննա Գասպարյանն ասաց, որ հենց վաղը դիմելու են Վերաքննիչ դատարան՝ բողոք են ներկայացնելու:
