Երեւանի առաջին ատյանի ընդհանուր իրավասության քրեական դատարանի Ավան նստավայրում այսօր շարունակվում է Հայաստանյայց առաքելական սուրբ եկեղեցու Շիրակի թեմի առաջնորդ Միքայել արքեպիսկոպոս Աջապահյանի գործով դատավարությունը։ Նախնական դատալսումներից հետո այսօր մեկնարկել են հիմնական դատալսումները։
Հանրային մեղադրողը ներկայացրեց Միքայել սրբազանին առաջադրված մեղադրանքը՝ նշելով, որ նա ԶԼՄ-ների միջոցով հնչեցրել է «իշխանությունը զավթելու, սահմանադրական կարգը բռնի տապալելու, ՀՀ սահմանադրությամբ չնախատեսված եղանակով գործադիր իշխանության լիազորություններին տիրանալուն ուղղված հրապարակային կոչեր»։ Դատախազն ասաց, որ Աջապահյանին մեղսագրվում է Քրեական օրենսգրքի 422 հոդվածի երկրորդ մասով նախատեսված հանցավոր արարքի կատարում։
Մանրամասները՝ տեսանյութում
Կարդացեք նաև
Միքայել սրբազանի պաշտպան Երեմ Սարգսյանն ասաց, որ սրբազանը կոչ չի արել, պատմել է նախկինում տեղի ունեցած իրադարձությունների մասին։
Մանրամասները՝ տեսանյութում
Միքայել սրբազանի պաշտպան Մարինե Ֆարմանյանն էլ նշեց, որ Միքայել սրբազանը չի ընդունում իրեն առաջադրված մեղադրանքը։ Նա հիշեցրեց, որ Հանրային հեռուստատեսության եթերով գլխավոր դատախազը անդրադարձել էր Միքայել սրբազանի մեղադրանքին։ «Մենք պաշտպաններով այս մեղադրանքը հիմնավորելու փորձերը համարում ենք ապօրինի։ Սա ցույց է տալիս, թե ՀՀ գլխավոր դատախազի մեկնաբանությամբ` պետությունն ինչ վերաբերմունք ունի այդ գործի նկատմամբ։ Ակնհայտ է, որ այստեղ կոնտեքստ փնտրելն օրինականության շղարշ հաղորդելու միտում է այս գործին, եւ ՀՀ գլխավոր դատախազի նման մեկնաբանություններն ու դիրքորոշումը ցույց են տալիս իրավական պետությանը ոչ հարիր գործելաոճ։ Եթե գործը նոր սկսված, ապացույցների հավաքագրման փուլում, դեռ ոչ մի բան չհաստատված, օրինական ուժի մեջ մտած դատարանի դատավճռի բացակայության պայմաններում մենք խոսում ենք մեղադրանքի եւ ապացույցների անվիճարկելիության մասին, ապա պետական ու քաղաքական պատվերն այս գործով ակնհայտ է։ Խնդրում եմ իրականացնել իրական արդարադատություն»,- ասաց Մարինե Ֆարմանյանը։
Մանրամասները՝ տեսանյութում
Նշենք, որ ըստ հրապարակված մեղադրական եզրակացության՝ Միքայել սրբազանին մեղադրանք է առաջադրվել այն բանի համար, որ նա, «ունենալով արքեպիսկոպոսի հոգեւոր աստիճան եւ հանդիսանալով Հայ Առաքելական Սուրբ Եկեղեցու Շիրակի թեմի առաջնորդը, պարբերաբար հրապարակային ելույթներով հանդես գալով զանգվածային լրատվության միջոցներով, ունենալով մեծ թվով հետեւորդներ եւ հետեւաբար նաեւ՝ իր խոսքով հասարակության անդամների վարքագիծն ուղղորդելու զգալի հնարավորություն, համաձայն չլինելով ներքին եւ արտաքին քաղաքականության հետ կապված հարցերի վերաբերյալ ՀՀ կառավարության դիրքորոշումների հետ, օգտագործելով զանգվածային լրատվության միջոցները, տեղեկատվական ու հաղորդակցական տեխնոլոգիաները, նախ՝ 2024 թվականի փետրվարի 3-ին, ապա նաեւ՝ 2025 թվականի հունիսի 21-ին, զանգվածային լրատվության միջոցների ներկայացուցիչներին տրված հարցազրույցների ընթացքում հնչեցրել է իշխանությունը զավթելուն ուղղված հրապարակային կոչեր»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
