– Հայաստանում բոլոր ուժային կարույցները հետեւել են սրբազան պայքար շարժման ակտիվ դերակատարների ու առաջնորդների խոսակցություններ եւ տեղաշարԺ: Էդպիսի օր չի եղել, որ մենք չզգանք այդ հետապնդման մասնակիցներին, ամբողջ օրը ֆիզիկապես զգացել ենք իրենց ներկայությունը, թե կեցավայրի, թե այլ վայրերում,- այսօր լրագրողների հետ զրույցում ասաց «Հայաստան» խմբակցության պատգամավոր Գառնիկ Դանիելյանը:
Պատգամավորի խոսքով՝ նույնիսկ ՊՊԾ գնդի գրավման գործով ահաբեկչության նախապատրաստման որակավորում չի տրվել, բայց Բագրատ սրբազանի գործով ձայնագրությունները մոնտաժել, առարկաները վերցրել եւ ներկայացրել են ահաբեկչություն. «Մեր հանրությունը պետք է նայի, թե ինչ թրքահպատակ ոչնչությունների հետ գործ ունենք, որ պատրաստ են սրբությունների վրայով անցնել ու ժողովրդին ապատեղեկացնել»:
Կարդացեք նաև
Դանիելյանն ասաց՝ նախապատրաստվել է փողոցային պայքար, անհնազանդության ակցիաներ. «Ստացվում է՝ Հայաստանում այլախոհությունը կամ անհնազանդությունը, ընդդիմադիր լինելը քրեորեն պատժելի արարքներ են, դրան հիմա էլ ավելացնում են՝ եթե Արցախի մասին խոսես, այլ հոդվածներով կդատվես, ռեւանշիստ ես: Հոդվածներ են ավելանում: Պատերազմի մասնակից ես, հոդվածը գնաց, Արցախի անունը տալիս ես, հոդվածը գնաց, անընդհատ հոդվածներ են ավելացնում»:
Պատգամավորը նաեւ հայտնեց, որ իրեն հասած տեղեկությունների համաձայն՝ ԱԺ աշնանային նստաշրջանին իրեն ու պատգամավոր Իշխան Սաղաթելյանին անձեռնմխելիությունից զրկեն ու քրեական հետապնդման ենթարկեն սրբազան պայքարի շրջանակներում:
Արփինե ՍԻՄՈՆՅԱՆ
