Երևանի ընդհանուր իրավասության քրեական դատարանի Շենգավիթի նստավայրում Բագրատ արքեպիսկոպոս Գալստանյանի և մյուսների վերաբերյալ քրեական գործով (նախագահող դատավոր Կարեն Ֆարխոյան) դատական նիստի մեկնարկից առաջ Բագրատ սրբազանի գլխավորությամբ նիստի մասնակիցներն աղոթք արեցին։
Բագրատ սրբազանն ասաց․ «Խոսքս հայերին է վերաբերվում՝ ոտքի կանգնենք, աղոթք անենք․ այսօր աղոթք չենք արել»։ Դատարանի դահլիճում ներկաները Բագրատ սրբազանի ետևից կրկնում էին․ «Հրաժարվում ենք սատանայից և նրա բոլոր խաբեություններից, նրա պատրանքներից, խորհուրդներից, չար կամքից, չար պաշտոնյաներից, չար դատախազներից, չար հրեշտակներից, նրա չար կամքը կատարողներից և նրա ամբողջ չար զորությունից։ Հրաժարվելով հրաժարվում ենք»։
ՀՀ ԱԺ «Հայաստան» խմբակցության պատգամավոր Արթուր Սարգսյանը, որն այս գործով մեղադրյալ է, գոչեց․ «Հրաժարվում ենք Նիկոլից»։
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ Կորյուն ՍԻՄՈՆՅԱՆԻ
