«Ես չափազանց լավ եմ զգում ինձ, որ այլ որոշում չկայացրիք․ դա ինձ համար մահ կլիներ»,- Բագրատ արքեպիսկոպոս Գալստանյանի և մյուսների վերաբերյալ քրեական գործով (նախագահող դատավոր Կարեն Ֆարխոյան) դատական նիստի ընթացքում Կարեն Ֆարխոյանի՝ Բագրատ սրբազանի կալանքի ժամկետը երեք ամսով երկարաձգելուց հետո հայտարարեց Բագրատ սրբազանը։
Նա վստահեցրեց՝ ես հիմա ազատության մեջ եմ կատարյալ իմաստով և շնորհակալություն, որ իմ ազատության ժամկետը երկարացրիք․ «Լիդիա Մանթաշյանի կալանքի երկարաձգումից հետո գետնի տակը պիտի մտնեի, եթե ես դուրս գայի այդ միջավայրից»։
Անդրադառնալով դատախազի այն հիմնավորմանը, թե ռիսկ կա, որ Բագրատ սրբազանը փախուստի կդիմի, նա հայտարարեց․ «Եթե երկրից փախչող լինեի, ես կանադական անձնագիր ունեի, գիտեի՝ երբ եք գալու խուզարկության՝ մայիսի 11-ից սկսած, երկրից վաղուց կգնայի»։
Բագրատ սրբազանը նաև նշեց՝ Կանադայի դեսպանը ցանկություն է հայտնել իրեն հանդիպել, մերժել է, քանի որ իր բնորոշմամբ՝ «իր պետության վրա օտար մարդ չէր բերի, ինչպես այսօրվա գերագույն ստախոսը»․ «Ոչ մեղադրանքն է հասկանալի, ոչ էլ մնացած պարագաները։ Որևէ տեսակ, ուսադիր պաշտոն, փող չի կարող մեզ այդ պայքարից հետ պահել՝ մանավանդ վախեցնել կալանքով»։
Կարդացեք նաև
Բագրատ սրբազանը, անդրադառնալով ՀՀ վարչապետ Նիկոլ Փաշինյանի ուղերձին, ասաց․ «Արցախ հայրենիքից է զրկել, բռնազավթել, այո հենց ինքն է բռնազավթել, ու առանց ամաչելու երկու օր առաջ խոսում է առանց Արցախի խաղաղության մասին։ Թիվ մեկ ահաբեկիչը մեր երկրի ինքն է, որը շիրիմներ ու սրբություններ է քանդել և այդ պատճառով ենք այստեղ, որովհետև չենք հանդուրժել հայրենահանձնումը»։
Ըստ նրա՝ այս գործը կապվում է նաև Սամվել Կարապետյանի գործի հետ․ «Մեծ բարերարի հետ հիմնարկակից ենք․ կյանքում իրար չենք տեսել։ Ազգային մեծ բարերար Սամվել Կարապետյանի ապօրինի ձերբակալմամբ և ապա մեզ հետ կատարվող այս ամբողջ, մնացած այլ մարդկանց ահաբեկությունը, կալանավորումը, հարձակումը Մայր աթոռի վրա, միմյանց հետ կապված է»։
Մանրամասները՝ տեսանյութում
Տաթև ՀԱՐՈՒԹՅՈՒՆՅԱՆ
