Բուլղարիայի Սամոկով քաղաքում հունահռոմեական ոճի ըմբշամարտի մինչեւ 20 տարեկանների աշխարհի առաջնության մեկնարկային օրը Հայաստանի երկու ըմբիշներն էլ պայքարը շարունակում են մեդալի համար:
60 կգ քաշային Յուրիկ Մխիթարյանը չորս գոտեմարտ է անցկացրել ու բոլորում էլ հաղթել է մեծ առավելությամբ: Նա որակավորման փուլում 9:1 հաշվով պայքարից դուրս է թողել ֆրանսիացի մրցակցին, ապա հաջորդաբար առավելության է հասել չիլիացու՝ 8:0, ուկրաինացու՝ 11:2, իրանցու՝ 9:0 նկատմամբ եւ մտել է եզրափակիչ, որտեղ ոսկե մեդալի համար պետք է գոտեմարտի Ադրբեջանի ներկայացուցիչ Այխան Ջավադովի հետ:
Մեր երկրորդ ըմբիշը՝ 82 կգ քաշային Մարտիկ Պետրոսյանը, սկսելով 1/8 եզրափակչից՝ առավելության է հասել լեհ եւ իրանցի ըմբիշների նկատմամբ, սակայն կիսաեզրափակչում զիջել է UWW դրոշի ներքո հանդես եկող մրցակցին եւ պայքարելու է բրոնզե մեդալի համար:
Կարդացեք նաև
Վաղը պայքարի մեջ կմտնեն 55, 67, 72, 97 կգ քաշայինները:
Աշոտ ՀԱԿՈԲՅԱՆ
