Լրահոս
Օրվա լրահոսը

Մեր երկրում գործող վարչախումբը, Անկարայի և Բաքվի ուղիղ հանձնարարությամբ, այսօր փորձում է Անկախության հռչակագիրը դուրս բերել մեր Սահմանադրության շրջանակից. «Հայաքվե»

Օգոստոս 23,2025 11:00

Սիրելի՛ հայրենակիցներ, ջերմորեն շնորհավորում ենք ձեզ Հայաստանի Անկախության հռչակագրի ընդունման 35-ամյակի կապակցությամբ։ Ազգային բացառիկ միասնականության ու համաձայնության պայմաններում ընդունված այս հիմնադիր փաստաթուղթն ուղենշային նշանակություն ունի մեր՝ որպես պետականակիր ժողովրդի ընթացքն իմաստալից կերպով սահմանելու և ուղղորդելու գործում։

Ցավոք, մեր երկրում գործող վարչախումբը, Անկարայի և Բաքվի ուղիղ հանձնարարությամբ, այսօր փորձում է Անկախության հռչակագիրը դուրս բերել մեր Սահմանադրության շրջանակից։ Սակայն մենք համոզված ենք, որ հայ ժողովուրդը վճռականորեն դեմ կկանգնի այս հակազգային ու հակապետական նախաձեռնությանը։

«ՀայաՔվե» ազգային քաղաքացիական միավորումն իր ստեղծման պահից ի վեր կանգնած է եղել Անկախության հռչակագրի պաշտպանության դիրքերում և մեր ժողովրդի աջակցությամբ վճռականորեն շարունակելու է իր գործունեությունն այդ ուղղությամբ։

«Հայաքվե»

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2025
Երկ Երե Չոր Հնգ Ուրբ Շաբ Կիր
« Հուլ    
 123
45678910
11121314151617
18192021222324
25262728293031