Վաղարշապատ համայնքի ղեկավարի ՔՊ-ական պաշտոնակատար Արգիշտի Մեխակյանը Aravot.am-ի հետ զրույցում հերքեց նոյեմբերի 16-ին կայանալիք ՏԻՄ արտահերթ ընտրությունից առաջ համայնքային ենթակայության հիմնարկներում քաղաքական «մաքրություն» անելու մասին մամուլում հայտնված տեղեկությունները: Ըստ այդ տեղեկությունների ՝ Էջմիածնի «Ծիծեռնակ» մանկապարտեզի տնօրեն Աննա Սողոմոնյանին էլ քաղաքական այլ բևեռում լինելու հանգամանքով պայմանավորված է համայնքապետի պաշտոնակատարը հորդորել աշխատանքից ազատման դիմում գրել: Աննա Սողոմոնյանը «Էջմիածին» դաշինքի ղեկավար Սևակ Խաչատրյանի քեռակինն է:
Ըստ մամուլի տեղեկությունների՝ համայնքապետի պաշտոնակատարը նշված մանկապարտեզում նախատեսել է իր կնոջ զարմուհուն նշանակել տնօրեն:
-Նման բան չկա, նշված մանկապարտեզում տնօրենի թափուր պաշտոնի համար մրցույթ է հայտարարված, կանցկացվի ըստ ընթացակարգի, կարող եք հետեւել,- մեզ հետ զրույցում համայնքապետի մեկնաբանությունը փոխանցեց նրա օգնականը՝ Ռոզա Կարապետյանը:
Նա ասաց, որ եթե անհրաժեշտություն տեսնեն, հետագայում ավելի մանրամասն հայտարարությամբ հանդես կգան նշված մանկապարտեզի տնօրենի աշխատանքից ազատման որոշման վերաբերյալ:
Կարդացեք նաև
Արփինե ՍԻՄՈՆՅԱՆ
