ԱՄՆ նախագահ Դոնալդ Թրամփը Ադրբեջանի նախագահ Իլհամ Ալիևին լուսանկարներ է ուղարկել՝ «Իլհամ, դու մեծ առաջնորդ ես» մակագրությամբ։
Ալիևը այդ մասին հայտնել է սոցիալական ցանցի իր էջերում, որտեղ նա շնորհակալություն է հայտնել նախագահ Թրամփին իր կողմից անձամբ ստորագրված «պատմական լուսանկարների» և դրանց վրա գրված «բարի խոսքերի համար»։
«Շնորհակալություն եմ հայտնում նախագահ Դոնալդ Թրամփին իր անձնական ստորագրությամբ ինձ նվիրած պատմական լուսանկարների և դրանց վրա գրված բարի խոսքերի համար: Բարձր եմ գնահատում նախագահ Դոնալդ Թրամփի կողմից Ադրբեջանի և Հայաստանի միջև հարաբերությունների կարգավորմանը, ինչպես նաև Հարավային Կովկասում և աշխարհում խաղաղության օրակարգին տրված անսասան աջակցությունը և դրա համար նրան մեկ անգամ ևս իմ խորին երախտագիտությունն եմ հայտնում», գրել է Ալիեւը:
Կարդացեք նաև
