«Իրավունքների պաշտպանություն առանց սահմանների» ՀԿ-ի իրավական հարցերով փորձագետ Աննա Մելիքյանի ֆեյսբուքյան գրառումը
«ԵԱՀԿ երկրները սեպտեմբերի 1-ին պետք է որոշում կայացնեն Մինսկի խմբի պաշտոնական լուծարման վերաբերյալ», – հայտարարել է Ադրբեջանի ԱԳ նախարար Ջեյհուն Բայրամովը։
Փաստորեն այս որոշումը արագացված ընթացակարգով են ուզում անցկացնել, ու եթե որևէ պետություն չառարկի, ապա այն ընդունված կհամարվի։
Օգոստոսի 25-ին «Իրավունքների պաշտպանություն առանց սահմանների» ՀԿ-ն հարցով մտահոգ գործընկեր կազմակերպությունների հետ համատեղ նամակ է ուղարկել ԵԱՀԿ մասնակցող պետություններին՝ կոչ անելով չդադարեցնել Մինսկի խմբի գործունեությունը և դրա հետ կապված գործընթացները։
Կարդացեք նաև
Ի թիվս այլնի, նշել ենք, որ ընթացիկ գործընթացների և համաձայնագրերի շրջանակներում Արցախի հայերի հարցը դուրս է մնացել, իսկ Ադրբեջանը նպատակին հասել է ուժի գործադրման և էթնիկ զտման արդյունքում։
Եթե պետությունները համարում են, որ հարցը փակված է և կարիք չկա բանակցելու, ապա կընդունեն, որ պատերազմը և էթնիկ զտումը կոնֆլիկտ լուծելու ընդունելի մեթոդ են՝ անկախ ստանձնած պարտավորություններից և ԵԱՀԿ սկզբունքներից։
