ՀՀ Սահմանադրությունը դեռևս պարունակում է դրույթ, որը կասկածի տակ է դնում Ադրբեջանի տարածքային ամբողջականությունը Սաուդյան Արաբիայի «Ալ Արաբիա» հեռուստաալիքին տված հարցազրույցում ասել է Ադրբեջանի նախագահ Իլհամ Ալիևը, նշելով, որ բանակցությունները տևել են մի քանի տարի և ավարտվել Վաշինգտոնում՝ նախագահ Դոնալդ Թրամփի և նրա թիմի ակտիվ աջակցությամբ:
«Ես կարծում եմ, որ սա իսկապես հակամարտության ավարտն է, պատերազմի ավարտը։
Պաշտոնապես խաղաղության համաձայնագիրը չի ստորագրվել մեկ կոնկրետ պատճառով. Հայաստանի Սահմանադրությունը դեռևս պարունակում է դրույթ, որը կասկածի տակ է դնում Ադրբեջանի տարածքային ամբողջականությունը։
Որքանով, որ հասկանում ենք, նրանք փոփոխություն կկատարեն: Եվ հենց որ այս սահմանադրական փոփոխությունը կատարվի, հենց որ Ադրբեջանի նկատմամբ տարածքային պահանջները հանվեն, խաղաղության համաձայնագիրը կստորագրվի:
Կարդացեք նաև
Սակայն այս փաստաթղթի նախաստորագրման փաստը Սպիտակ տանը՝ նախագահ Թրամփի ներկայությամբ, արդեն նշանակում է պատերազմի ավարտ, որը ընդհատումներով տևում է ավելի քան երեսուն տարի։
Սա բոլորովին նոր հնարավորություններ է բացում է Հարավային Կովկասի տարածաշրջանի և Կենտրոնական Ասիայի ու Մերձավոր Արևելքի համար», – նշել է Ալիևը։
