«Չեմ ուզում անձանց թիրախավորել, բայց տեղեկություններն ինձ հասնում են, չէ՞։ Վերջին հաշվով կոլեկտիվ է, ես այնտեղ ղեկավար կազմում եմ եղել, ընկերություն եմ արել շատերի հետ։ Զանգում, պատմում են՝ ինչ ճնշումներ են՝ քաղաքական։ Մարդիկ վախենում են անգամ հեռախոսով խոսել շենքում։ Ուղիղ քաղաքական ճնշումներ են․ մեզ հետ չես, վերջ, դիմումդ գրի, գնա»,- մամուլի ասուլիսի ժամանակ ահազանգեց «Հայաստանի էլեկտրական ցանցեր» ՓԲԸ գլխավոր տնօրենի նախկին պաշտոնակատար Դավիթ Ղազինյանը։
Նա նշեց՝ այն անձինք, որոնք դիմանում են, դիմում չեն գրում, նրանց արդեն ուղղակի անվստահությունով ստիպում են զեկուցագրեր գրել․ «Այդպես են անում, որ հետո թաքնվեն էդ զեկուցագրերի հետևում, ասեն՝ իր անմիջական ղեկավարը զեկուցագիր է գրել, մենք էլ ազատել ենք»։
Դավիթ Ղազինյանը օրինակ բերեց՝ գլխավոր տնօրենի օգնականը զեկուցագիր է գրել գլխավոր տնօրենի տեղակալի վրա․ «Չլսված երևույթ է։ Իմ վրա զեկուցագիր գրելու մասին է խոսքը։ Էդ գրողին ո՞նց մեղադրեմ, իհարկե, չեմ մեղադրելու։ Սա է ամբողջ խնդիրը»։
Կարդացեք նաև
Տաթև ՀԱՐՈՒԹՅՈՒՆՅԱՆ
