«Ալ Արաբիա»-ին տված հարցազրույցում Ադրբեջանի նախագահ Իլհամ Ալիևն ասել է, թե ԵԱՀԿ Մինսկի խմբի լուծարումը բանակցությունների առաջին իսկ փուլերում Ադրբեջանի կողմից առաջ քաշված պայմաններից մեկն էր։
«Մեր տրամաբանությունը հիմնված էր այն փաստի վրա, որ Մինսկի խումբը ԵԱՀԿ-ի կողմից 1992 թվականին ստեղծվել էր Ղարաբաղյան հակամարտությունը լուծելու համար։ Հետևաբար, երբ Հայաստանը պաշտոնապես ճանաչում է Ղարաբաղը որպես Ադրբեջանի մաս, և երբ նրանք ասում են, որ հակամարտությունը լուծված է, նշանակում է՝ աբսուրդ է Մինսկի խմբի իրավական գոյությունը։
Եվ եթե նրանք պնդում են, թե Մինսկի խումբը պետք է պահպանվի, նշանակում է՝ դեռևս տարածքային հավակնություններ ունեն Ղարաբաղի նկատմամբ։
Կարդացեք նաև
Հենց այս տրամաբանությունն է մեր դիրքորոշման հիմքում, և մեզանից շատ ժամանակ և ջանքեր պահանջվեցին՝ Հայաստանին համոզելու համաձայնել, որ երկու կողմերն էլ պետք է նամակ գրեն ԵԱՀԿ-ին՝ Մինսկի խումբը լուծարելու համար, ինչը և տեղի ունեցավ նախագահ Թրամփի ներկայությամբ։
Այսպիսով, գործընթացը սկսվել է, և սա կլինի Մինսկի խմբի իրավական մահը, քանի որ այն գրեթե հինգ տարի է՝ չի գործում», – հայտարարել է Ադրբեջանի նախագահը։
