«Սորոսը և խելագարների նրա խումբը մեծ վնաս են հասցրել մեր երկրին»,- Truth Social սոցիալական ցանցում գրել է ԱՄՆ նախագահ Դոնալդ Թրամփը և կոչ արել դատական հետապնդման ենթարկել միլիարդատեր Ջորջ Սորոսին ու նրա որդուն։
«Ջորջ Սորոսին և նրա «հիասքանչ» ծայրահեղ ձախ որդուն հարկավոր է մեղադրանք առաջադրել «Կոռումպացված կազմակերպությունների դեմ պայքարի մասին» օրենքի (RICO) շրջանակում՝ ԱՄՆ ամբողջ տարածքում բռնի բողոքի ցույցերին և շատ ավելիին աջակցելու համար:
Մենք այլևս այս խելագարներին թույլ չենք տալու պատառոտել Ամերիկան՝ չտալով նրան ՇՆՉԵԼՈւ և ԱԶԱՏ լինելու շանս։
Սորոսը և խելագարների նրա խումբը մեծ վնաս են հասցրել մեր երկրին։ Այդ խմբում են նաև ԱՄՆ արևմտյան ափի նրա ընկերները։ Բայց ուշադիր եղեք, մենք հետևում ենք ձեզ», – գրել է Թրամփը։
