ՀՀ վարչապետ Նիկոլ Փաշինյանի որոշմամբ վարչապետի աշխատակազմի միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանին ազատվել է աշխատանքից։
«Ղեկավարվելով «Հանրային ծառայության մասին» օրենքի 9-րդ հոդվածի 13-րդ մասով՝ Լիպարիտ Դրմեյանին ազատել վարչապետի աշխատակազմի միջազգային իրավական հարցերով ներկայացուցչի գրասենյակի ղեկավարի պաշտոնից», – նշված է հրամանագրում։
Հիշեցնենք, որ երեկ ճեպազրույցում Նիկոլ Փաշինյանն ասել էր. «Ո՞վ է ասել, որ կառավարությունն ընդունում է, որ Ստոկհոլմի արբիտրաժային դատարանի որոշումը պարտադիր կատարելի է: Ո՞վ է հայտնել նման դիրքորոշում, ով դիրքորոշում հայտնել է, թող դիմում գրի, գնա։ Բացարձակապես նման դիրքորոշում չի կարա լինի»:
Նախօրեին հրապարակվել էր փաստաթուղթը, ըստ որի՝ Միջազգային իրավական հարցերով ներկայացուցչի գրասենյակ ղեկավար Լիպարիտ Դրմեյանը դիմել է ՀԾԿՀ նախագահին՝ պահանջելով կատարել Ստոկհոլմի որոշումը. «Արբիտրաժային վճիռը կողմերի կողմից ենթակա է անհապաղ պարտադիր կատարման»։
