Լրահոս
Օրվա լրահոսը

Կարմիր խաչի միջազգային կոմիտեն կշարունակի շփվել Ադրբեջանի իշխանությունների հետ․ Դաֆնե Մարե

Օգոստոս 29,2025 16:18

Հայաստանում Կարմիր Խաչի միջազգային կոմիտեի պատվիրակության ղեկավար Դաֆնե Մարեն Գորիսում մասնակցեց Անհետ կորածների միջազգային օրվան նվիրված «Բացակա, բայց չմոռացված» խորագրով լուսանկարների ցուցահանդեսի բացմանը։

Պատասխանելով լրագրողների հարցերին Դաֆնե Մարեն անդրադարձավ Բաքվում ԿԽՄԿ-ի գրասենյակի փակմանը։

«Ցավոք, մենք ստիպված կլինենք փակել մեր պատվիրակությունը Բաքվում սեպտեմբերի 3-ին՝ իշխանությունների պահանջով։ Բայց մենք չենք կարծում, որ այս դեպքում մի շարք հարցերում աշխատելու մեր հնարավորությունները կսպառվեն։ Մենք կշարունակենք առաջարկել մեր ծառայությունները ցանկացած դերի վերաբերյալ, որը կարող ենք ունենալ որպես չեզոք միջնորդ՝ օգնելու անհետ կորածների խնդրի լուծմանը։ Դա չի նշանակում, որ մենք այլեւս երբեք չենք շփվի Ադրբեջանի իշխանությունների հետ։ Քննարկումները դեռ շարունակվում են, եւ մենք կարծում ենք, որ հնարավոր է աշխատելու նոր հնարավորություններ դեռ լինեն։ Երեւի հետեւում ենք խաղաղության հուշագրի նախաստորագրմանը»,-մասնավորապես նշեց նա։

Անդրադառնալով խաղաղության պայմանագրի նախաստորագրմանը, տիկին Մարեն նշեց, որ ըստ այդ նախագծի՝ «անհետ կորածների հետ կապված մշտական աշխատանք եւ համակարգում է իրականացվելու միջազգային կազմակերպության հետ»։

Բայց դա չի նշանակում, որ մենք կապ չենք պահի Բաքվի իշխանությունների հետ։ Մենք շարունակելու ենք փորձել մնալ չեզոք եւ մի շարք հարցերում առաջարկել մեր միջնորդական դերը։ Իհարկե, ամենակարեւոր խնդիրներից մեկը անհետ կորածների հետ կապված հարցն է։ Մենք փորձելու ենք մեր առաքելությամբ մուտք գործել Բաքու, ինչքան մեր կարիքը կա այս հարցի շուրջ»,-նշեց Հայաստանում ԿԽՄԿ-ի ղեկավարը։

Նա ասաց, որ Բաքվում պահող հայ գերիներին վերջին անգամ տեսակցել են հունիս ամսին, ծանոթացել պահման պայմաններին, նրանց առողջական վիճակին, սակայն այս ամենը հրապարակման ենթակա չէ։

 

Արմեն ԴԱՎԹՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2025
Երկ Երե Չոր Հնգ Ուրբ Շաբ Կիր
« Հուլ    
 123
45678910
11121314151617
18192021222324
25262728293031