Ադրբեջանի հետ հաղորդակցությունների ապաշրջափակման համատեքստում Ռուսաստանը արտատարածքային ռեժիմ չի առաջարկել՝ Հայաստանի տարածքով ուղևորների և բեռների տարանցման համար. արտաքին քաղաքականության ընթացիկ հարցերի վերաբերյալ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:
«Հաշվի առնելով Ռուսաստանի և Հայաստանի միջև ԵԱՏՄ ընդհանուր տարածքը՝ նման ռեժիմը նույնիսկ տեսականորեն չէր կարող դիտարկվել», – նշել է նա:
ՌԴ ԱԳՆ ներկայացուցիչն անդրադառնալով ՌԴ փոխվարչապետ Ալեքսեյ Օվերչուկի՝ Երևանում կայացած բանակցություններին՝ ասել է. «Դրանք ցույց տվեցին, որ Հայաստանը հետաքրքրված է եվրասիական ինտեգրման մեխանիզմների ռիթմիկ գործունեությամբ»:
Զախարովան մանրամասնել է. «Քննարկումներում անդրադարձ է եղել տնտեսական համագործակցության բազմաթիվ ասպեկտների՝ թե՛ երկկողմ, և թե՛ ԵԱՏՄ ձևաչափով։ Քննարկվել են նաև որոշակի տեսակի ապրանքների մատակարարման հարցեր. հնարավոր է եղել որոշ նրբերանգներ հասկանալ:
Կարդացեք նաև
Միևնույն ժամանակ, պարբերաբար հայտնվում են Հայաստանի տարբեր պաշտոնատար անձանց հայտարարություններ ԵԱՏՄ-ի մասին՝ դուրս գալու, մտնելու, մնալու, որքան ժամանակ կմնան և այլն: Մենք սա չենք մեկնաբանի»:
