Սեպտեմբերի 1-ին Չինաստանի Տյանցզին քաղաքում տեղի է ունեցել Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիփ Էրդողանի հանդիպումը, հայտնում է APA-ն։
Ալիևն ու Էրդողանը գոհունակություն են հայտնել եղբայրության և ռազմավարական դաշնակցության վրա հիմնված երկկողմ կապերի հետագա ընդլայնման կապակցությամբ։
Պետությունների ղեկավարները մտքեր են փոխանակել ադրբեջանա-թուրքական ռազմավարական դաշնակցային հարաբերությունների հեռանկարների և փոխադարձ հետաքրքրություն ներկայացնող այլ հարցերի շուրջ։
Հանիպմանն անդրադարձել են նաև SOCAR-ի և թուրքական Botas ընկերության միջև համագործակցությանը. նշվել է Կատարի ֆինանսական աջակցությամբ Թուրքիայի միջոցով Սիրիա ադրբեջանական գազի մատակարարման կարևորությունը:
Կարդացեք նաև
Քննարկվել են նաև այլ երկրներում Ադրբեջանի և Թուրքիայի համատեղ էներգետիկ նախագծերի իրականացման հարցեր:
Հանդիպմանը քննարկվել է Ադրբեջանի և Հայաստանի միջև հարաբերությունների կարգավորման գործընթացը, մասնավորապես, բարձր է գնահատվել Թուրքիայի կայունացնող դերը տարածաշրջանային հարցերում։
Անդրադարձ է կատարվել այս տարի Ադրբեջանում կայանալիք Թյուրքական պետությունների կազմակերպության գագաթնաժողովի կարևորությանը:
Մի քանի օր առաջ ընդգծվել է Կարս-Իգդիր-Դիլուջու երկաթուղային գծի հիմքը դնելու կարևորությունը, և տեղի է ունեցել մտքերի փոխանակում Ադրբեջանում, այդ թվում՝ Նախիջևանի շրջանում իրականացվող երկաթուղային նախագծերի վերաբերյալ. նշում է APA-ն։
