Հանիրավի մեղադրյալ Ստեփան Սամվելյանի կյանքի սպառնացող վտանգը գալիս է Հայաստանում գործող իշխանությունների անպատասխանատու վարքագծից և դիտավորյալ անգործության պահվածքի դրսևորումից:
Այսօր՝ 2025 թվականի սեպտեմբերի 3-ին ինձ պաշտոնապես տրամադրվել է Ստեփան Սամվելյանի առողջության վերաբերյալ բժշկական տեղեկանք, որում նշված է Ստեփան Սամվելյանի այնպիսի հիվանդության մասին, որով փաստում են նրա առողջական վիճակի լրջությունը, անհապաղ բուժման անհրաժեշտությունը մասնագիտացված հիվանդանոցում և կալանքի կրման անհամատեղելիությունը հիվանդության հետ։
Հիմք ընդունելով այս փաստաթղթերը ևս՝ անհապաղ միջնորդություն եմ ներկայացրել ՀՀ ազգային դատարանին հրատապ նիստ հրավիրելու, իսկ Եվրոպական դատարանին` ՀՀ իշխանությունների անգործության վերաբերյալ տեղեկատվություն:
Եվրոպական դատարանը սույն թվականի սեպտեմբերի 1-ին որոշում է կայացրել, որով պահանջում է ՀՀ իշխանություններից մինչև սույն թվականի սեպտեմբերի 5-ը պատասխան տրամադրել Ստեփան Սամվելյանի առողջության վերաբերյալ:
Կարդացեք նաև
Այսպիսով թե՛ ազգային, թե՛ միջազգային դատարանները տեղեկացված են Ստեփան Սամվելյանի կյանքի սպառնացող լուրջ վտանգի մասին:
Հուսանք, որ Հայաստանի դատական համակարգը առաջինը կարձագանքի:
Սպասում եմ դատավոր Վահագն Մելիքյանի կողմից հրատապ նիստ հրավիրելուն:
Կից ներկայացվում է ՄԻԵԴ որոշումը:
Ստեփան Սամվելյանի պաշտպան` Զարուհի Փոստանջյան
03 սեպտեմբերի, 2025թ.
