Ռուսաստանը համարում է, որ ԵԱՀԿ կողմից Մինսկի խմբի լուծարման մասին որոշումը հիմնավոր է. ըստ «Ռադարի»՝ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Դիվանագետը հիշեցրել է, որ Ռուսաստանը, ԵԱՀԿ-ի մյուս անդամների հետ միասին, կոնսենսուսի սկզբունքով մասնակցել է այդ որոշման ընդունմանը։ «Մենք այս քայլը համարում ենք հիմնավոր և արդարացված՝ հաշվի առնելով տարածաշրջանում տեղի ունեցած արմատական փոփոխությունները», – նշել է Զախարովան։
«Մինսկի խմբի գործունեության դադարեցման նախաձեռնությունը պատկանում է Հայաստանին և Ադրբեջանին։ Այդ երկրների արտաքին գործերի նախարարները օգոստոսի 11-ին համապատասխան առաջարկով դիմել են ԵԱՀԿ-ին՝ հաստատելով, որ Բաքուն և Երևանը այլևս կարիք չունեն Մինսկի գործընթացի գործիքակազմի», – հավելել է նա։
Զախարովան ընդգծել է, որ Մինսկի խմբի գործունեության ողջ ընթացքում Ռուսաստանը, որպես համանախագահ, առավելագույն ջանքեր է գործադրել՝ խնդիրները լուծելու և Ադրբեջանի ու Հայաստանի բարեկամ ժողովուրդների հաշտեցմանն ուղղված ջանքերում։
Կարդացեք նաև
Ըստ «Սպուտնիկ Արմենիայի»՝ նա նաեւ ասել է, որ Մինսկի խմբի կողմից կարգավորման սկզբունքների և մեթոդների վերաբերյալ բազմաթիվ զարգացումներ այս կամ այն կերպ օգտագործվել են տարբեր միջազգային հարթակներում և նպաստել են տարածաշրջանում խաղաղության և կայունության վերականգնմանը։
