Aravot.am-ին էին ահազանգել Շիրակի մարզի Ախուրյան համայնքից՝ բողոքելով, թե խմելու ջուրը խառնվել է կոյուղաջրին՝ դառնալով խիստ վտանգավոր։ Ըստ ահազանգողների, վաղ առավոտից մինչ այս պահն այդ վիճակն է։Որպես հավաստում իրենց մտահոգության՝ նրանք նաև լուսանկար էին ուղարկել։
Ախուրյան խոշորացված համայնքի ղեկավար Զավեն Մանուկյանն Aravot.am-ին փոխանցեց, որ կապ է հաստատել «Վեոլիա» ջրի պատասխանատուների հետ, որոնք պարզաբանել են, թե խմելու ջուրը խառնված չէ կոյուղաջրին․ իրենք աշխատանք են տարել հին ջրագծերի վրա, որոնցում առկա ժանգը խառնվել է ջրին, և որ խնդիրը կարգավորում են։
Նկատենք, որ երեկ պրոֆիլակտիկ աշխատանքներ իրականացնելու համար անջատել էին Գյումրի մի քանի թաղամասերի, ինչպես նաև Ախուրյան համայնքի ջրամատակարարումը:
Նունե ԱՐԵՎՇԱՏՅԱՆ
