ՄԱԿ-ի Գլխավոր ասամբլեան ընդունել է Հայաստանի նախաձեռնած բանաձևը՝ նվիրված Ցեղասպանության զոհերի հիշատակի և արժանապատվության միջազգային օրվա 10-ամյակին։
Սեպտեմբերի 5-ին ՄԱԿ-ի Գլխավոր ասամբլեան կոնսենսուսով ընդունեց Հայաստանի ներկայացրած բանաձև՝ «Ցեղասպանության հանցագործության զոհերի հիշատակի և արժանապատվության միջազգային օրվա տասնամյակն ու այդ հանցագործության կանխարգելումը» վերնագրով։
Բանաձևը կոչ է անում ՄԱԿ-ի Գլխավոր ասամբլեայի բարձր մակարդակի թեմատիկ հանդիպում կազմակերպել՝ նվիրված այս միջազգային օրվա 10-ամյակին։ Դրա նպատակն է ակտիվացնել ջանքերը՝ ցեղասպանության կանխարգելման և պատժի ուղղությամբ՝ ընդգծելով այս հանցագործության դեմ պայքարի կարևորությունը։
Բանաձևը, որը համանախագահել են ՄԱԿ-ի բոլոր հինգ տարածաշրջանային խմբերի անդամ պետությունները, արտացոլում է լայն աջակցություն և վկայում կանխարգելման օրակարգը ամրապնդելու միասնական հանձնառության մասին։
Կարդացեք նաև
Հայաստանի նախաձեռնությունը նշանակալի քայլ է ցեղասպանության և զանգվածային ոճրագործությունների կանխարգելման միջազգային ջանքերը առաջ մղելու, ինչպես նաև` այս հանցագործության դեմ համաշխարհային գործողությունները համախմբելու գործում։
ՄԱԿ-ում Հայաստանի մշտական ներկայացուցչություն
