Բռնցքամարտի Հայաստանի երիտասարդական հավաքականը ավագ մարզիչ Կարեն Աղամալյանի ղեկավարությամբ մեկնել է Չիտա (Ռուսաստանի Դաշնություն), որտեղ 18 երկրների հավաքականների հետ կմասնակցի միջազգային մրցաշարի:
Մարզիչը թիմում ընդգրկել է մինչեւ 23 տարեկան 14 բռնցքամարտիկի: Նրանք են. 48 կգ՝ Էրիկ Սեմերջյան, 51, կգ՝ Արամ Դովլաթբեկյան, 54 կգ՝ Վաղարշակ Քեյան, 57 կգ՝ Լեւոն Հովհաննիսյան, 60 կգ՝ Տիգրան Մակիչյան, 63 կգ՝ Անդրանիկ Մարտիրոսյան, 67 կգ՝ Արգիշտի Հակոբյան, 71 կգ՝ Արտյոմ Ստեփանյան, 75 կգ՝ Սամվել Սիրամարգյան, 80 կգ՝ Ալբերտ Հարությունյան եւ Մանվել Ղազարյան, 86 կգ՝ Րաֆֆի Խաչատրյան, 92 կգ՝ Սարգիս Անդրեասյան, +92 կգ՝ Տիգրան Խաչատրյան:
Հայաստանի բռնցքամարտի ֆեդերացիան նշում է, որ այս մրցաշարը մեր երիտասարդական հավաքականի համար նաեւ ընտրական փուլ է հոկտեմբերին Երեւանում կայանալիք Եվրոպայի երիտասարդական առաջնությանը նախապատրաստվելու համար:
Աշոտ ՀԱԿՈԲՅԱՆ
